"Nightmare"

Nuie Route aufn Notch Peak

Noch 4 Tog, aufgetoalt auf 2 Wochn, hobmr insre Erstbegehung aufn Notch Peak fertig drmocht. Dr Nome Nightmare (Alptraum) kimp nit va umschusch, weil dei Wond hot ins viele Nervn und schloflose Naecht gekostet (Letz Wettr, Stoanschlog, Viel Bruechig und Zeitdruck).

Die Schwierigkeitn sein va 5 bis 8-, insgesomt auf 14 Soallaengen aufgetoalt. In genaun Topo var Route teamr spatr nou drzua.

Gipflfoto um 10 auf Nocht

ZION

Iatz seinmr ollaweil in Zion National Park. Wundrscheans Tol mit wahnsinns Wandln!!

Viel Riss, obr zwoa gspittete Routen zun entsponnen hobmr dechtrsch gfuntn...

Iatz wort mr auf an schean Wettrfenstr um insre Erstbegehung auf dr 500m hoachn Nordwand van Notch Peak fertig mochn zu kennen bevor's wiedr hoam geaht...Daumen druckn

Ibex - West Desert

Noch Wyoming und a Entsponnungstagl in Salt Lake City seimr noch Ibex gfohrn.

Noch aweilele umrschaugn hobmr a Linie gfuntn dei nou frei gweisn isch. Ausrkemen isch "Siolberlinge",
a 4 Soallaengen Route, olls Traditionel o zusichrn, mit Schwierigkeitn bis 6+.

Devils Tower, Wyoming

Iatz seinmr 5 Tog Devils Tower gweisn, 3 Klettertog und 2 Scheisswettrtog!!

A poor geile Routn hobmr gmocht, und die Devils Tower Legende Frank Sanders und seine Frau Juliana getroffn!! Zrugwaerts Richtung Salt Lake City nou kurz awia Tourist ausrhaengen glossn, Mt. Rushmore zuagkheart...und nor nou a Tagl bei die Needles, South Dakota, klettern gweisn!!

Devils Tower im Nebl!!